ಜೆಜಮಾಡಿ,ಸಾಸ್ತಾನ ಟೋಲ್ ವಿವಾದ-ಬೆಂಗಳೂರಿನಲ್ಲಿ ಇಂದು ಉನ್ನತ ಮಟ್ಟದ ಸಭೆ

ಪಡುಬಿದ್ರಿ: ಹೆಜಮಾಡಿ ಮತ್ತು ಸಾಸ್ತಾನದ ನವಯುಗ್ ಟೋಲ್ ಪ್ಲಾಝಾಗಳಲ್ಲಿ ಕಳೆದೆರಡು ದಿನಗಳಿಂದ ಸ್ಥಳೀಯ ವಾಹನಗಳಿಂದ ಟೋಲ್ ಸಂಗ್ರಹ ,ಮಾಡುತ್ತಿರುವುದನ್ನು ವಿರೋಧಿಸಿ
ಪ್ರತಿಭಟಿಸುತ್ತಿರುವ ರಾಷ್ಟ್ರೀಯ ಹೆದ್ದಾರಿ ಟೋಲ್ ವಿರೋಧೀ ಪ್ರತಿಭಟನಾಕಾರರ ಆಗ್ರಹದ ಮೇರೆಗೆ ಉಡುಪಿ ಜಿಲ್ಲಾ ಉಸ್ತುವಾರಿ ಸಚಿವೆ ಡಾ.ಜಯಮಾಲಾ ಅವರ ನೇತೃತ್ವದಲ್ಲಿ ಇಂದು(ನ. 29) ಲೋಕೋಪಯೋಗಿ ಸಚಿವ ರೇವಣ್ಣ ಅಧ್ಯಕ್ಷತೆಯಲ್ಲಿ ಸಚಿವರು, ಶಾಸಕರನ್ನೊಳಗೊಂಡ ಉನ್ನತ ಮಟ್ಟದ ಸಭೆಯೊಂದು ಬೆಂಗಳೂರಿನಲ್ಲಿ ಮಧ್ಯಾಹ್ನ 3ಗಂಟೆಗೆ ಹಮ್ಮಿಕೊಳ್ಳಲಾಗಿದೆ ಎಂದು ಉಭಯ ಜಿಲ್ಲಾ ರಾಹೆ ಹೋರಾಟ ಸಮಿತಿ ಅಧ್ಯಕ್ಷ ಡಾ| ದೇವಿಪ್ರಸಾದ್ ಶೆಟ್ಟಿ ತಿಳಿಸಿದ್ದಾರೆ.

ಲೋಕೋಪಯೋಗಿ ಇಲಾಖಾ ಮುಖ್ಯ ಕಾರ್ಯದರ್ಶಿ ಸೇರಿದಂತೆ ವಿವಿಧ ಇಲಾಖಾಧಿಕಾರಿಗಳು, ನವಯುಗ ಅಧಿಕಾರಿಗಳು, ಕರಾವಳಿ ಭಾಗದ ಶಾಸಕರು, ವಿಧಾನ ಪರಿಷತ್ ವಿರೋಧ ಪಕ್ಷದ ನಾಯಕ ಕೋಟ ಶ್ರೀನಿವಾಸ ಪೂಜಾರಿ, ಸಾಸ್ತಾನ ಮತ್ತು ಹೆಜಮಾಡಿ ಭಾಗದ ಹೋರಾಟ ಸಮಿತಿಗಳ ಪ್ರಮುಖರು ಈ ಸಭೆಯಲ್ಲಿ ಭಾಗವಹಿಸಲಿರುವುದಾಗಿ ಡಾ| ಶೆಟ್ಟಿ ತಿಳಿಸಿದ್ದಾರೆ.
ಈ ಸಭೆಯಲ್ಲಿ ಟೋಲ್ ವಿನಾಯಿತಿ ಸಹಿತ ಹೆದ್ದಾರಿ ಕಾಮಗಾರಿ ತ್ವರಿತಗೊಳಿಸುವ ಬಗ್ಗೆ ಚರ್ಚೆ ನಡೆಯಲಿದೆ ಎಂದವರು ಹೇಳಿದ್ದಾರೆ.

ಸ್ಥಳೀಯ ವಾಹನಗಳಿಗೆ ಟೋಲ್ ಯಥಾಸ್ಥಿತಿ

ಪಡುಬಿದ್ರಿ, ನ. 28: ಹೆಜಮಾಡಿ ಗ್ರಾಮಸ್ಥರನ್ನು ಹೊರತು ಪಡಿಸಿ ಉಳಿದಂತೆ ಸ್ಥಳೀಯ ವಾಹನಗಳಿಗೆ ಟೋಲ್ ಸಂಗ್ರಹವು ಹೆಜಮಾಡಿ ಟೋಲ್ ಪ್ಲಾಝಾದಲ್ಲಿ ಯಥಾವತ್ ಆಗಿ ಮುಂದುವರಿದಿದೆ.ಪಡುಬಿದ್ರಿ ಮತ್ತು ಮೂಲ್ಕಿಯ ಕಾರು ಚಾಲಕ ಮಾಲಕ ಸಂಘದ ಮನವಿಯ ಮೇರೆಗೆ ಎರಡೂ ಕಡೆಯ ಟ್ಯಾಕ್ಸಿಗಳಿಗೆ ತಾತ್ಕಾಲಿಕವಾಗಿ ಟೋಲ್ ವಿನಾಯಿತಿ ನೀಡಲಾಗಿದೆ.ನ. 26ರಿಂದ ಇದು ಆರಂಭಗೊಂಡಿದ್ದು ಸ್ಥಳೀಯರ ಪ್ರತಿಭಟನೆಯ ನಡುವೆಯೂ ಜಿಲ್ಲಾಡಳಿತದ ಆದೇಶ ಮತ್ತು ಪೆÇಲೀಸ್ ರಕ್ಷಣೆಯಲ್ಲಿ ಮುಂದುವರಿದಿದೆ.
ಸದ್ಯ ಕೆಲವೇ ಕೆಲವು ಪೆÇಲೀಸರು ಇಲ್ಲಿ ಕಾನೂನು ಸುರಕ್ಷಾ ಕ್ರಮದಲ್ಲಿ ತೊಡಗಿದ್ದಾರೆ.